انواع البيتزا

مسمن معمر كيجي لذيذ بالصور

مرحبا بكم
موقع ام مروان يقدم لكم مسمن معمر
طريقة تحضير مسمن معمر بالصور

مقادير مسمن معمر
للعجينة:
زلافة دقيق الفورص
زلافة دقيق الفينو (قمح سبيسيال)
طريف الزبدة لينة
ملح 
معلقة صغيرة سنيدة
قبيصة الخميرة الفورية
قطرات من الخل
للحشوة:
البصلة الخضرا (الحريف) مشلظة
زيت بلدية
ملح+ابزار+كمون
قسبور و معدنوس مفروم
الفروماج مثلتات
الفروماج الطويل مقطع طريفات صغار أو محكوك غليظ
للتوراق:
الزيت
شوية الفينو+شوية الفورص+نصف خمارة الحلوى مخلطين
طريقة تحضير مسمن معمر
نخلط العجينة و تكون لينة و ندلكها مزيان...نعمل منها كويرات ندهنهم بالزيت ونخليهم يرتاحو

نشحر البصلة فالزيت حتى تتحمر و نزيد الملحة و الإبزار و الكمون و في الأخير القسبور و المعدنوس و نحيدها من فوق العافية...
نخليها تبرد و نخلط معاها الفروماج

نورق العجينة بالزيت و نرشها بخليط الدقيق و الخميرة نعمل شوية الحشوة و نطويها على شكل رغيفة و أنا كنرش الجوانب خليط الدقيق

نورق كويرة أخرى من العجين و نرشها بخليط الدقيق 
نحط الرغيفة المعمرة الوسط و نطويها 
ملي نكمل تشكيل الرغايف نسخن مقلة ثقيلة و نبدا نسرح الرغيفة الأولى ونطيبها على نار متوسطة و أنا كنرشها من الجوايه بزوج بالزيت و نقلبها حتى تتحمر

و هدا الشكل ديال الرغايف كيجيو مورقين ولذاذ

ليست هناك تعليقات:

إرسال تعليق

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.